CANZONE DI
U SGIO MILIANU
O Musa chi fai ?
Esci di l'agnone
E, di l'elezzione,
Raconta li guai,
O Musa chi fai ? (bis)
Ora prò ea,
Pe li muribondi,
Ch 'ognunu
rispondi
In tamanta
rea,
Ora prò ea ! (bis)
D'u gran' bisbigliu
Ch 'in Pietra ne venne,
Ne perse l'antenne
Lu vecchiu Cunsigliu
D'u gran' bisbigliu (bis)
In casa di Carlu
Scappò la gran' mina.
L'Aggiuntu in flacchina
Saltò callu callu !
In casa di Carlu (bis)
Marcellu Suzzoni
Ch 'intese lu bottu,
Calfendu u calottu,
Cacò in li calzoni !
Marcellu Suzzoni (bis)
A tale
saetta
Emiliu in
timpesta
Sbraghendu la vesta,
Ughiulò : « Vendetta ! »
A tale saetta (bis)
Garelli s'affoga,
S'imbroglia e si sbaglia
Sbaraglia, battaglia,
Chi vole la toga !
Garelli s'affoga (bis)
Oraziu, invece,
Ch 'attende a la piazza,
Ne cappia la mazza
E studia la legge.
Oraziu, invece (bis)
Signor' Leonetti,
Ch 'è dottu e severu, ,
Spera u Ministeru
Per inghiotte capretti !
Signor' Leonetti (bis)
Ma sentu chi dice
Lu vecchiu Orzaghiolu,
L 'inciacca-fasgiolu,
Per Gian Felice !
Ma sentu chi dice (bis)
E replica
poi
Duttore
Gambotti,
Datelu a i
dotti
Ch 'allora è
per noi !
E replica poi (bis)
Ziu Carlu Matteo
Strida : « Un votu micca
O fatemi in oru
A chiave e la cricca ! »
Ziu Carlu Matteo (bis)
Potetti, l'eroe
D'u vecchiu cunsigliu,
Sentendu u bisbigliu,
Scappò per
altrove.
Potetti,
l'eroe (bis)
U sgiò Giustiniani
Nè restò cunfusu,
C'un palmu di musu
Partì in Alisgiani.
U sgiò Giustiniani (bis)
U Sgiò Brigantinu
Si n'andò per l'aghia,
Dicendu : « Vò in piaghia
A vende lu vinu ! »
U Sgiò Brigantinu (bis)
Ignaziu Massei
(Cun Peppa, la moglia)
Scunghiurò li rei
Ma cun poca voglia !
Ignaziu Massei (bis)
Ma Paulu stessu,
A la nova trista,
Rifece la lista
Grattendusi il sessu !
Ma Paulu stessu (bis)
Ziu Manu Furlone,
Pur fendu l'allegru,
Ne perse l'impiegu,
Restendu cappone.
Ziu Manu
Furlone (bis)
Per nutaru
Grillu
So storti li venti,
Chi senza vutenti
Nun s'hà lu sigillu.
Per nutaru Grillu (bis)
U Sgiò Simonpetru
Hà fattu in la nerpia ;
Addio la scerpia,
Lu tronu e lu scetru !
U Sgiò Simonpetru (bis)
U Sgiò Milianu,
Pueta cuglione,
Vurria u stampone,
Ma nun lu li danu !
U Sgiò Milianu (bis)
U Sgiò Taddeinu,
Ch 'ùnn è una talpa,
Se vole la scerpia,
Dia beie bon vinu.
U Sgiò Taddeinu (bis)
E Simonghiuvanni
Pò fa l'allegrìa,
Chi la merria,
L'avrà per molt' anni !
E Simonghiuvanni (bis)
Risponde Petone :
« Ma statevi zitti !
Chi lu gunfalone
Sta in manu à li Pitti ! »
Risponde Petone (bis)